Elle Sofe lea koreográfa ja dánsár, eret Guovdageainnus. Elle válddii dánsaoahpu Labanis Londonis, ja Oslo Dáiddaallaskuvllas lea su mastergráda koreográfiijas. Jagis 2009 ráhkadii Elle diŋgojuvvon dánsabihtá ovttas Sigurd Johan Heide, Silje Onstad Hålien, Ingeleiv Berstad ja komponisttain Snorre Bjerck. Diŋgojeaddji lei Kalottspel-álbmotdánsa- ja musihkkafestivála. Viidáset lea Elle Sofe koreográferen dánsafilmma ja rešiseren dan ovttas Ken Are Bongoin. Filbma lea oidnon máŋgga sajes máilmmis ja guokte vuoittu ožžon. Elle bargá maid dánsárin Åarjelsaemien Teateres. Son lea maid leamaš koreografikonsuleantan Beaivváš Sámi Našunalteahteris. Dasa lassin lea Elle Sofe oahpahan dánssa ja yoga. Son lea dáiddalaš jođiheaddji KOLT doaimmas mii lea Riddu Riđđu álgoálbmotfestiválas 2010.